look what i found price list outlook 2016 autocad 2012 cam software how much does coreldraw graphics suite x7 cost

adobe dreamweaver cs5.5 for pc download for pc windows 10 visit get more information office 2016 pc software web purchase adobe fireworks cs6
Norsk 
Čálit!
 
Oaffaruššan

sieidi (davvisámegillii)
siejdde/värromuorra (julevsámegillii)
sjielegierkie/värrogierkie (máttasámegillii)

Sámi bálvvosbáikkit sáhttet leat luondduviđá skihččebávsttážat, luoddalan geađggit, dahje unnit geađggit main lea erenoamᚠhápmi ja muorragovvosat maid olbmot leat ráhkadan. Dákkár bálvvosbáiki dahje muorragovus gohčoduvvo sieidin.

Sieiddit sáhttet leat bassi váriin, sulluin, njárggain dahje lahka deaŧalaš bivdoguovlluid ja jávrriid.

Beaivválaš oaffar siiddiide sáhtte leat guolevuodja dahje guollešloagut, meahcceealliid biergu ja varra, dahje smávva metálla áđat ja minttat (šiella).

Goddi/boazu lei dábáleamos oaffar erenoamᚠdilálašvuođain. Noaidi sáhtii oažžut dárkilis dieđu makkár ealli ipmilat ja vuoiŋŋat dáhtto oaffarin. Muhtumin goddi/boazu borrojuvvui oaffarmálisin ja dušše dávttit ja vissis oasit eallis hávdáduvvojedje. Eará háve oba ealli hávdáduvvui dušše čoarvvit oidnojedje. Boares bálvvosbáikkiin sáhttá ain gávdnat čoarvebázahusaid.

Muhtun gáldut namahit ahte nissonolbmuin ii lean lohpi lahkanit bálvvosbáikkiid. Lei stuorra suddu gutnehuhttit dahje billistit dákkár bassi báikki, ovdamearkka dihtii dolain. Dalle ráŋggáštuvvui garrasit.

Gáldut:
Mebius, Hans, 1968: Värro.
Mebius, Hans, 1972: Sjiele.
Mebius, Hans, 2007: Bissie.
 
Ceavccageađge/Transteinen i Mortensnes. Govva/Foto: Mihkku Solbakk